عدد المساهمات : 563 نقاط : 967 تاريخ التسجيل : 30/10/2009
موضوع: كفتة البطاطس الجمعة 7 مايو 2010 - 14:35
المكونات - كيلو بطاطس مسلوقة ومهروسة (تهرس البطاطس بالشوكة ولا تستخدم الكبه) - حزمة بقدونس مفرومة - كيس فيجتار - بيضتان - كوب بقسماط مطحون - ملح-فلفل
ودى صورة بالمكونات
للحشو : لحمة مفروم عصاج (يراعى أن تكون حمراء مافيهاش دهون )- - جبنه كريمة على جبنة رومى مبشور
ودى صورة بالحشو
للتغطيه : - أول طبقة : كوب دقيق على كيس سبايسى أو كيس فيجتار - تانى طبقة :بيضتان مربوبتان على ملعقتين لبن - تالت طبقة :كوب كورن فليكس مطحون على شويه بقسماط
- ودى صورة بمكونات التغطيه والتغطيه دى شغالة - فى كل البانيهات
§ الطريقة - -- نحط مكونات العجينة على بعضها ونعجن لحد ماتكون جينة قابلة للتشكيل ممكن نزود كمان شويه بقسماط والصورة مبينة إن العجينه يمكن تشكيلها لإنى عامله قرص ورامياه فيها - ممكن نضيف الملح والفلفل بس بحرص لإن الفيجتار بيكون فيها ملح وبهارات
وممكن نزود بيضة كمان لو لقينا الكميه خلصت وممكن نكرر العمليه تانى للصباع الواحد لو إتبقى حاجة يعنى نرجع تانى نحطه فى البيض وبعد كدة البقسماط بالعربى كدة ما فيش حاجة تترمى
- نغطى الصوابع وبعدين نحطها فى التلاجة لمدة ساعتين على الأقل
- وممكن نقسمها نحطها فى الفريزر بس نحكم إغلاقها يعنى نغطي الطبق بكيسين بلاستيك محترمين ونربطهم كويس عشان تفضل متماسكة وما تطراش ودى صورتها بعد ماطلعت من الفريزر بس مش الكميه كلها
- نكون مجهزين زيت غزير للتحمير وبعدين نقدحه بس مانزودش يادوب يبتدى يقدح (علشان الكفته ناتغمقش على طول وتاخد وقتها )وناخد من الفريزر عالزيت ونوطى النار تاخد لون من تحت نقوم مقلبينها على طول عشان تاخد نفس درجة اللون من فوق ويراعى أن يكون اللون دهبى مش غامق
ودة هو الشكل النهائى للطبق بس للأسف هيا إغمقت منى شويه لإنى قدحت الزيت قوى بس بأمانة هيا بتطلع منى أفتح من كدة بس واضح إن اليوم مش يومى النهاردة
موضوع: كفتة البطاطس 
!!تنبيه !!