كفتة السمك ...

مك ...

المكونات:

1.1/2 كيلو سمك فيليه.
1/2 حزمة بقدونس مفرومة.
1/4 حزمة كزبرة خضراء مفرومة.
حبة بطاطس مسلوقة ومهروسة.
كوب لبن حليب.
كوب دقيق.
عصير 3 ليمونات.
معلقة كبيرة قشر ليمون مبشور.
1/4 رأس ثوم مفرومة.
كوب زيت عباد الشمس.
2 حبة بصل أخضر مفرومة.
معلقة ملح وفلفل وكمون.

طريقة التحضير:

- هاتي السمك واغسليه كويس وبعد كده قطعيه إلى قطع متوسطة الحجم.
- سخني اللبن وبعد كده سيبيه لغاية ما يبرد وضيفي إليه السمك المقطع، سيبي
السمك في اللبن لمدة نص ساعة وبعد كده انشلي قطع السمك من اللبن.
- هاتي مفرمة الأكل اللي عندك وحطي فيها قطع السمك والثوم والبطاطس
المهروسة وقشر الليمون والبصل الأخضر، والبقدونس والكزبرة، والملح والفلفل
واضربيهم مع بعض في المفرمة، بعد كده حطي الخليط في التلاجة لمدة ساعتين.
- بعد مرور الساعتين طلعي السمك المفروم من الثلاجة وابدئي في تشكليه على
شكل كرات متوسطة الحجم وبعد كده حطي الكرات دي في الدقيق بحيث إن الدقيق
يغطيها من كل الجوانب وحطيها في صينية ودخليها الثلاجة مرة كمان لمدة نص
ساعة علشان تمسك نفسها.
- هاتى طاسة كبيرة وسخني فيها الزيت كويس وبعد كده ابدئي في قلي كرات السمك فيها.
- هاتى طبق التقديم ورصي فيه كفتة السمك وزيتي الطبق ببعض من أوارق البقدونس أو الجرجير.

على فكرة مع الطبق ده ممكن تعملي طبق بطاطس شيبسي أو طبق رز أبيض.

_________________

تسلم الايادى يا فراشه1

المنتدى دائماً مميزة فى موضوعاتك

بارك الله فيك وجزاكِ خيراً

الله يـع’ـــطــيك الع’ــاأإأفــيه ..
.. بنتظـأإأإأر ج’ـــديــــدك الممـــيز ..
.. تقــبل م’ـــروري ..

» إبدااااااااااااع بتقديم السمك .. فى شم النسيم
» كفتة البطاطس
» اغنية طريقة عمل كفتة الرز
» وصفات السمك المقلى والمشوى بالصور بطريقه سهله جدا
» كبسة السمك ...