طريقة عمل السمك المقلى بالأرز المفلفل

طريقة عمل السمك المقلى بالأرز المفلفل

]]اليوم جيبالكو غدوه سمك انما ايه سخنه نااااااار
نبدا بسم الله

هنجيب السمك الكميه اللي تكفيكي انت واسرتك
وتعصري عليه ليمون كتيييييير بعد اللي تغسليه طبعا ملح ودقيق

وبعدها هنتبله من الداخل ملح وتوم وكمون مدقوق وممكن خضره ان حبيتي

هتجيبي طبق غويط تحطي كوب دقيق+كوب ماء وحبه ملح
وتنزلي السمكه تاخد غطس وتطلعيها من العجينه عالطاسه
لازم يكون الزيت حار وبعدين نوطي شويه
وطبعا تحطي بالزيت قشر ليمون عشان يمتص الريحه
ورشه ملح عشان الزيت ميطرطش من الطاسه

ودا شكله فالزيت وبعدها بس يحمر نطلعه عسرفيس مفروش بقدونس
وطرنشات ليمون نجمل بيه الطبق

ودا شكله النوهائي هههههههه بالف هنا
وهنقدم وياه الاتي

ودي سلطه الطحينه
معلقه دقيق -كوب زبادي-معلقه خل-نص ليمونه طحينه توم مفري

ودي المكونات بتاعت سلطت الطحينه
وهنقدم وياها كمان سلطه خضرا

ودي عباره عن
خيار -طماطم-بقدونس-خس-بصل اخضر-جزر مبشور-فلفل اخضر
وطبعا عملنا التدبيله الفرنسيه للسلطه الخضرا
ملح-خل-ليمون-زيت ونقلب كويس ونظبط الملح
طبعا سهله تقطيع بس هههههههههه

وهنقدم وياهم رز بني او رز احمر
وهقلكو علي طريقه الاتنين
وممكن نعمل قالب واحد نصين زي ده

الرز الاحمر
نص رز+ربع كيلو طماطم معصوره_ملح وفلفل
تسيحي الزبده فالحله تحمري الرز كويس وتسقيه الاول بالطماطم المضروبه بالخلاطه وبعدها زيديه حبه ميه تغطيه بس وافركي مكب مرقه ماجي وظبطي الملح والفلفل الاسود ويغلي توطي يسوي عنار هاديه
الرز البني
نص رز_بصله كبيره_معلقتين طعام سكر_شوربه
هتحمري البصله تصفر بس وتضيفيها عالشوربه وانت بتحمريها اديها مع الملح سنه سكر عشان يكون طعمها سكر ياسكر انت
وبعدها هاتي حله متوسطه حطي معلقتين سكر لما يبقو لونهم زي الكراميل عنار هاديه انزلي بالرز واما يتحمر الرز انزلي بالشوربه المضاف ليها البصل ويغلو توطي يسوو عنار هاديه

وطبعا الجرجير تغسليه كويس بماء وخل
وبعدها شطفه بميه بس[/size]

طريقة عمل السمك المقلى بالأرز المفلفل 2be1e3bb

_________________

» وصفات السمك المقلى والمشوى بالصور بطريقه سهله جدا
» قصة صياد السمك
» كبسة السمك ...
» كفتة السمك ...
» كيف تتعرف على السمك الطازج