بعض اشعار الشاعر حسن بانمر العكبري

خو سالم يقول عاني جيتكـم للسمـر
قد جيت عاني وباجي كل ساعة وحين
مادام عادني قـوي العـزم ماباعـذر
ومعي حليله وهاجس عادهم هاوييـن
غنوا ودلوا شطوني والكدر والضجر
لي صابني من زماني واهله العايبين
لي خلوا السكر الحالي في الحلق قـر
والسمن هو والعسل قد ذقتهم قيريـن
يارب سالك نصفلي في الخين والبير
لي نكدوا خاطري وخواطر المسلمين
في ليلة العيد ليلـة يذبحـون النشـر
والناس يضون فرحانيين ومعيدييـن
في اليوم هذا جاني الى مكانـي نفـر
سلم علـي وحايانـي بكـف اليميـن
مديت يدي وانا خاطري مسرور سر
ومساهنه يقول يابحمد من العايدييـن
من شان بارد على كلام اذا قد صـدر
باقول كل عام وجميع العرب طيبيين
كنه سكت وانقلب وجه وزر النظـر
وقلت مالك كذا ياخوي شكلك حزيـن
الناس في عيد وانته في الباس الغبـر
وفرحت العيد في وجهك وراء ماتبيين
جوب علي قال يمكن ماوصلك الخبر
جوبتله ايش قلـي بالخبـر واليقييـن
حد مات من جهتني بالبلد وصله شـر
قال الخبر ياحسن من مصادر مبعدين
أهل العراق اعدموا صـدام يابانمـر
ونفذوا حكمهم زمرة بليـس اللعييـن
اعدموا صدام في غفلة ولمح البصـر
من دون حد في العرب يعلم ولاداريين
جابوه بالقيد من سجنه يرص للمقـر
جابوه عسكـر عراقييـن وملثمييـن
حد سار خلفه وحد قدام بالقبـد جـر
للقاعة لي بهـا لشـرار متواجدييـن
لما قبل قال وتقرب معاد لـك مفـر
وجابوا اكلام اثر على الكبد والرييين
كـلام ما بقـدر ننطقـه يا بوعـمـر
والسب والشتـم مايجبونـه الوافييـن
مارد على كلامهم ماسك طريقه عبر
ماكان خايف مثيل الناس لي خايفيين
شهد و هلـل و كبـر قـال الله اكبـر
قال اعملوا كل ماتبغون يـا منفذييـن
وابدوا عملهم جريمه قشبـة بالشعـر
جو بايغطوا عيونه ياحمد والجبييـن
قال الغطاء ما بغيتـه زر الحبـل زر
يومه قوي قلب شاجع عينة الشاجغيين
وزروا الحبل على حلقه بقوة صبـر
والصبرمن ربنا ميزه في المؤمنييـن
قالت لهم روح صدام أوقفوا باشحـر
لما يكون الملك موجود يالحاضرييـن
وقفة في الحلق لحتى ملكهـا حضـر
من بعد ماقد حضر آمر لها تخرجيين
خرجة من الجسم وبقي حيتها كالحجر
القلب قد مات وعروقه هـوا ميتيـن
والراس لي بالمعاني ممتلـي والفكـر
بالحبل يدرج معلق والعداء فارحيـن
بعد الضحك يوم بايكون وانته ذكـر
ماعذر ماتشوفهم بالحبـل متعلقييـن
مات أنتهى فارس الأمه معدلـه أثـر
والنجم غيب معد ذلا اربعه زاهريـن

جزاك الله خيراً