الشاعر حمد الربع

يا روح روح الوطن // يا طاهرات الشليل
فجـن سمانا لحن // ثم لولشن كاسبيـن


اليوم يومن على قلب الموالف جميــل
واليوم يومن غدى قلب المعادي حزيـن


زفن قطرنا وطن . . عشاق وقلبه خليل
مجنون عز وفخر في صفحة الغانميـن


صفحه تشعشع بياض // وموارده سلسبيـل
وبروازها من احياض // الموت للمعتديـن


سطر ثراها بطل // أسمه بالألسن ثقيل
جاسم لفاها محل // وأقفى وهي ياسميـن


أسس نواتك قطر // ما بين شلفا وهيل
اركاب ومركب للخطر // وخيام وبيوت طين


فيه الورع ما يقاس // وسيف العدل ما يميل
إلا لروس الخساس // لو هم من الأقربيـن


لله در الأمام . . كنـه صحابي جليـل
ولولا ثبات الزمان يحسب مع التابعيـن


من نسل هذا يجي زيزوم زم الثقيل
حمد خليفة جمع بالحكم ( علم ٍ وديـن)


في فزته بالشبه . . حر ٍ قطامي أصيل
الأرض له ترتجي والغيم يرزم حنيـن


يزوم زوم البحر في وجه من هو يعيل
سقم المعادي حمد مثل الصفا ما يليـن


للشعب أرهى الشليل وأرهوا له أرواح جيل
خيره تعدى قطر وأضفى على المسلميـن


له بالسياسة نظر . . ولا يعرف المستحيل
محنك وداهيـة . . ولا تفوته ذهيـن


لبنان يوم ذبلت // وليله غدى ألف ليل
أشرق عليها وحيت // غلا تستزين


من يشبهك والدي . . يابوي مالك مثيل
من يتبعك ما يلام شفه بصيد ٍ سميـن


وولي عهدك تميم // حلحيل مثله قليل
كف ٍ شجاع وعديم // وكف ٍ قيادي ورزيـن


وكف ٍ عطا ولا خذا ولـ مد مده جزيل
وكف ٍ سند والده . . والكف الآخر أميـن


ذولا أسيادك قطر وخنا معاهم نشيل
للــه ثم للوطن . . أرواحنا نستهيـن


ياللـه تحفظ قطر . . من كل شر ٍ دخيل
أياك بس نعبدك . . وأياك بس نستعيـن


ياللـه (بنات البحر) وأنتن (بنات النخيل)
صفن سوى ولولشن . . رجالكن كاسبين






حمد الربع
18 ديسمبر - اليوم الوطني

اللة على هزا الموضوع الرائع ونرجو منكم المزيد