موضوع: آخر الدروس : ..الفاعل و المفعول ....؟؟؟ المسحول.......مش مسحول الإثنين 4 فبراير 2013 - 8:59
.الفاعل و المفعول ....؟؟؟؟ صرح مصدر رسمي كبير إن المسحول.......مش مسحول و إن الشعب مخه كبير و إن الاعلام بس عجول وإن المشهد له تبرير و إن (حماده) كان معزول و إنه ما كنش لينا أسير وإن الفاعل كان مجهول و إن الشرطة قصدها الخير وإنه أتعامل بالمعقول وإن الأمر ما كنش خطير و إن المشهد غير الغير دول حبة ثوار ملاحيس .. قعدين يصرخوا عالمتاريس طول ما الشعب دمه رخيص يسقط .....يسقط أى رئيس أما صحيح ثوار ملاحيس و الموضوع سهل التفسير وإن اللي شفته عالشاشة كان معكوس في التصوير أصل العالم كله عبيط و الشعب لابس طرطير إن حماده جالوه زهول و اللي حواليه كانوا مليكة و عشان التصوير بالليل نزلوا بأسود مش بالأبيض ....وده معقول أما صحيح يا حماده جبان تبقى قاعد وسط مليكه كده عريان ب يزغزغوا فيك بعصاية و أنت تغير أو يشلوك هيلا بيلا عالجنه و انت خجول و يقولو لك لو مضروب قول ما تخفش و أنت تقول ......غير القول واللي يقول غير كده يا أخوانا قطع لسانه .......يبقى فلول و إن الشرطة بلها طويل و إن الغلطة ...مش في الضابط ولافي وزير و إن الشعب كثر الغاز خلاه مخبول يبقى العيب مش فالإخوان ولا المرشد كان مسؤول أو في رئيس ....ده غلبان أو قنديل .......لا ده كثير هو الشعب اللي عيان وده من كثر أكل الفول و هاأقول ما خلاص يا خوانا حكمة و قلها جدى زمان لو المفعول به غلبان يبقى الفاعل .....مش مسؤول يبقى الفاعل ......مش مسؤول ... وعجبى
مصطفى يونس عضو vip
عدد المساهمات : 2160 نقاط : 2317 تاريخ التسجيل : 05/09/2009 الموقع : bnatelzarka.newgoo.net
موضوع: رد: آخر الدروس : ..الفاعل و المفعول ....؟؟؟ المسحول.......مش مسحول الثلاثاء 19 فبراير 2013 - 3:18
رووووووووووووووووعة تسلم ايدك
_________________ مع تحياتى مصطفى يونس younes.moustafa@yahoo.com
أشرف على
admin
عدد المساهمات : 27639 نقاط : 60776 تاريخ التسجيل : 04/09/2009 الموقع : http://elawa2l.com/vb
موضوع: آخر الدروس : ..الفاعل و المفعول ....؟؟؟ المسحول.......مش مسحول 
ً لمرورك أخى مصطفى وردك الذى أسعدنى
!!تنبيه !!