|
|
| | 000 مصر يا أم الدنيا |  |
| | | كاتب الموضوع | رسالة |
|---|
الصابر
عضو برونزى
عدد المساهمات : 134
نقاط : 402
تاريخ التسجيل : 16/05/2012
|  موضوع: 000 مصر يا أم الدنيا الخميس 17 مايو 2012 - 21:45 | |
| مصر ام الدنيا
======
يللى بنيتوا الهرم من الاف السنين
وعايشين تفتخروا بالماضى القديم
تحت الهرم واقفين جمال وحمير
علشان تركبها الصبايا العريانين
د احنا فى زمن العلم يابشر
الهرم مهما كان
اساسه حجر
حضارة زمان راح عليها الزمان
ابو الهول حجر وعمره مانطق
بتقولوا عايزين نرجع لمجد زمان
ازاى هنرجع يابتوع الكلام ؟
عمر الكلام مايبنى وطن
واللى يبنى كل وطن
الحب والعمل
يظهر كتر اكلكم فى الفول
طلسم فيكم فكر العقول
ونسيتوا كل العلوم
والذكاء اصبح عمله نادره
والاذكاء فى البلد عاطلين
مش لاقيين عمل
عايزين ترجعوا مجد الربابه
والناى اللى اساسه غابه
ونشعر فى ابو زيد سلامه
ونهرش تحت العمامه
ونقول يا عم اعد
الدنيا من حولنا
طلعت فوق فى السما
وبعيون اقمار الشيطان
بيشوفونا كلنا
بيضحكوا علينا من فعلنا
والله بقينا مهزله
مصر يا أم الدنيا ولادك فين
ابنك فى الغربه بيعمل اجير
ساب البلد والارض والطين
عايش فى غربته زى الحزين
قولولى ليه ساب البلد ؟
الحكومه عامله زى الديب
الشعب فيكى عايش غريب
الغنى فيكى حرامى
والفقير هو الامين
والاتنين خلاص
كرهوا البلد
يامحروصه حراصك فين
القط والفار اصبحوا صديقين
التعالب ماليه كل الشوارع
الذئاب واقفه ع النواصى
عايزه تنهش الصبيه
عايزه تخطف اللولد
البلد عايشه ع القهاوى
كل واحد عامل حاوى
مفيش ديك قادر يكاكى
واللى يكاكى وصوته يرتفع
تلقاه قوام يندبح
بس لازم ييجى يوم وترجعى
ترجعى مجد العروبه اللى اتمحى
د انتى الكبيره عيب تبقى كده
انتى مصر اللى دايماّ رائده
بس امتى تعبنا يا رب السما
ومن كتر الكلام
الزور اتنبح
يالله هيىء لنا طريق النجا
علشان نرجع لعزنا وفخرنا
نرفع اسمك يامصر تانى
تبقى مناره فوق فى السما
ونرجع بيكى نفتخر
نرفع بجد فيكى العلم
كرهنا الافتخار بالصنم
كرهنا أمجاد الحجر
بالعلم عايزين نفتخر
بالحب عايزين
نبنى البلد
تعالا بسرعه يا أمل
تعالا ازرع فينا الامل
تعالا شوف الشباب
اللى عايشين بلا عمل
اللى فاكرينهم زيادة عدد
وهمه للبلد أساس الامل
من غيرهم.... تموت ألبلد
مصر ياغاليه فى القلوب
مهما حصل راح ترجعى
انت محروصه من العلى
رباط المحبه فيكى
باقى حتى الازل
حتى يوم الدين يابلد
عايشه بدعاء كل نبى
اللى فيكى اتولد
واللى فيكى احتمى
واللى فيكى كلمته اعتلت
ومن لسان ازهره
لحن الجمل
شعبك أخوه ومش هيختلف
مهما زرع الشيطان من فتن
ارضك طاهره من الازل
وهتفضل طاهره للابد
=======
كلمات قلم الصابر _________________ عندما تصل للقمه ضع بصمتك وارحل │ ║▌║││ █ ▌│║█║│ █ ▌│║█║▌║ Dev-PoinT  | c l a s i c k | 20  | |
| | | | | | 000 مصر يا أم الدنيا | |
|
مواضيع مماثلة |  |
|
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|
!!تنبيه !!