000 الدنيا مظاهر كدابه 00

الدنيا مظاهر كدابه

متفتكرش ... ان كل اللى تشوفه بيرقص
يبقى سعيد فى حياته . وعايش فى افراح

لان الرقص ده ........... اللى انت شايفه
جايز يكون ........... تلوى من الاوجاع

ومتفتكرش .... ان كل اللى تشوفه بيغنى
يبقى مبسوط ......... وعايش مع الانغام

لان الغنا ده ............. اللى انت سامعه
جايز يكون ........ نواح وعديد واحزان

ومتفتكرش . ان كل من وعظ فى الناس
يبقى انسان صالح ........ او من الاولياء

لان اللسان ...... ممكن يقول اجمل كلام
اما الافعال والاعمال ......... يعلمها الله

ومتفتكرش . ان اللى تشوفه قاعد ساكت
يبقى حيران ......... او مديون او ندمان

لان السكون ده ........... اللى انت شايفه
جايز يكون ....... صلاه للواحد الرحمن

ومتفتكرش .... ان كل اللى ماشى متلمع
يبقى ابن باشا ...... او واحد من الاعيان

لانه الملابس دى ....... اللى انت شايفها
ممكن تكون مسروقه ........ او بالايجار

ومتفتكرش .... الانسان الكريم غنى مال
الكريم يستدين .... ويرحب بغريب الدار

ومتفتكرش .. الشحات راجل فقير الحال
المال تحت الوساده ويقول يامحسنبن لله

ومتفتكرش .. كل اللى تشوفه فقير الحال
ولابس هدمه ستراه ....... وبلغه حملاه

يبقى انسان فقير ............ وليس له جاه
الامام عمر ...... هو المثل اوعى تنساه

فلا تحكم بالمظاهر ..... مهما كان الحال
وتقول فلان .............. افضل من فلان

الظاهر ............ دائماّ كداب ياصاحبى
والناس ............ بتداريها بس الحيطان

..........
مع تحياتى
الصابر