ليه احنا بنقول رجعنا الى ربنا

بسم الله الرحمن الرحيم

ورحمة الله وبركاته

اخواني واخواتي في الله حياكم الله بتحية أهل الجنّه ورضى عنا جميعا سبحانه وتعالى جلّ في علاه

من فتره وفي جمله دايما بنقولها وبنحمد ربنا حمدا كثيرا طيبا مباركا فيه انه سبحانه سمحلنا نوصل للحاله اللي بنقولها فيها

اللفظ اللي بنقوله وكلنا فرحه استبشار بخير يوم طلعت علينا الشمس فيه منذ ولدتنا امّنا هوّ
" انا رجعت لربّنا "

اخواني تعالوا نفكّر احنا ليه بنقول كده وليه تحديدا لفظ "انا رجعت"

لما فكرّت لقيت ان اصلا معنى الرجوع في اللغه هوّ العوده بعد الابتعاد

ايه ده يعني احنا اصلا مكاننا مع ربنا سبحانه وتعالى
ان شاء الله ايوه لان بالفطره مفيش مخلوق مش بيحب ربنا وربنا فطرنا على الحب ده وفطرنا كمان سبحانه وتعالى على الخوف من عقابه واللي بيخرج منها خوفنا من ان حبه لينا يضيع وبالتالي حبنا له سبحانه وتعالى هيضيع لان ربنا هو الاول والاخر يعني لازم يحبنا عشان نحبه

واعتقد ان ده السبب اللي ربنا بيجعلنا بسببه نقول " احنا رجعنا لربنا "
ودليل تاني اننا اصلا مكاننا مع ربنا هو اننا لما بنبعد عنه بامره بنختنق ونزعل ونبقى زعلانين جدا من نفسنا وبنقول ايه؟؟؟؟؟
بنقول بعدنا عن ربنا

يارب يااااااااااااااااارب متحرمناش من رضاك عنا يا حبيبنا ولا تزرنا فردا وسبحانك خير الوارثين

وعلى فكره حبيبنا كمان بيزعل لما بنبعد عنّه لانه سبحانه لا يرضى لعباده الكفر

ودليل من كلامه سبحانه وتعالى ان مكاننا الاصلي معاه هو انه سبحانه رغم اسرافنا في الذنوب ورغم سوء ادبنا معاه سبحانه وتعالى نلاقيه بينادينا باعظم و واطهر واحن واحب لقب "عبادي" طيب اللي بيحبنا اوي كده ومنتظر رجوعنا يا ترى منتظرنا عشان يعذبنا لا والله :

قال الرحمن :
" قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم" الزمر 53 صدق الله العظيم


واجمل تفسير سمعته للايه دي كان من الشيخ محمود المصري وكان حضرته بيوجه الكلام للعصاه المسرفين بما معناه:
" مزعلين نفسكم ليه خلاص مفيش حاجه اتوضوا وصلوا ركعتين وتوبوا بركعتين ودمعتين خلاص كده ربنا قبل باذن الله "
جزاك الله خيرا شيخي الفاضل


وكمان الاثر القائل انه في الحديث القدسيّ قال رب العلا :


" يا داود لو يعلم المدبرون عنى شوقى لعودتهم ورغبتى فى توبتهم لذابــو شوقا الى يا داود هذه رغبتى فى المدبرين عنى فكيف محبتى فى المقبلين على "

ياااااااااااااااااه ربنا كريم ورحمان وعفو وغفور

يعني يا ربنا خلقتنا وفطرتنا وطهّرت قلوبنا باعظم شرف حبك وحب حبيبك صلى الله عليه وسلم ولو غلطتنا بتسامحنا ومكان منتظر عودتنا
يارب احنا ايه اصلا فضلنا عليك سبحانك وانت ذو الفضل العظيم اللهم لك الحمد حمدا كثيرا طيبا مباركا فيه ولك الحمد كما ينبغي لجلال وجهك وعظيم سلطانك الله بحبك اوي يارب وكلنا بنحبك سامحنا ومتحرمناش من حبك يااااااااااااااااااااارب
وتعرفوا حضارتكم في ذكر جميل اوي كتير بنقلوله بس من فضلكم حاولوا ترددوه مع فهم معناه
"اللهم لا منجى ولا ملجأ منك الا اليك "
و يارب انه لا منجى لنا ولا ملجأ الا انت سبحانك

يااااااااااااااه الكلام عن حب ربنا مش بيخلص وعن الاحساس اللي تمكلني لما عرفت ان مكاني اصلا مع ربنا مش بعيد عنه عمر ما هيخلص اختمه بس بتشبيه تخيلته وسبحان الله وتعالى عما سأقول وله المثل الاعلى والاعظم
يا اخواني لو في حد في عائلة حضارتكم طفل حضرتك المسئول عنه بالفطره بردو اعتقد مفيش حد مش بيحب الاطفال تخيل لو حضرتك اللي متولي امر هذا الطفل منذ ولادته وشايفه بيكبر امامك لحظه بلحظه بتحبه جداااااااااا ونفسك دايما تفرحه ولو منعت عنه حاجه فبيكون لانه جاهل بمعرفتك وحضرتك تعرف ان منعها عنه هو الخير وكمان لو زعلت منه شويه وبعدت عنه او عاقبته بتكون من داخلك نفسك يرجعلك لان اصلا عقابك له نابع من الحب والخوف على المصلحه وكمان مهما اساء اليك مش بتزعل منه وفي معاملتك معاه دايما بتقول له "يا حبيبي اعمل كذا وكذا او اسمع الكلام عشان في الاخر اديلك الحاجه اللي بتحبها او اوديك المكان اللي بتحبه والطفل ده بيحبك اوييييييييي وبيخاف من عقابك له وبيسمع الكلام ولو اساء الادب بيرجع يعتذر عشان الوعد ميروحش منه "
صح مش هو ده اللي بيحصل في معاملتنا للاطفال ومعاملتهم لنا اهو انا بتخيل اننا الاطفال وسبحان الله وتعالى عما اقول انا الامه الفقيره الجاهله الا مما علمني ربي بحس دايما اننا بنغلط ونذنب ونتوب ونرجع عشان بنحب ربنا وعشان طالبين رضاه ورحمته اللي بهم باذن الله هندخل الجنه
يارب سامحني ان اسات في الوصف والله ما قصدت سوء ادب تباركت وتعاليت عما سمحتلي ان اكتبه وافكر فيه

اخواني واخواتي في الله ياللا كلنا نفرح ربنا بتوبتنا لاننا كلنا بنعصي وربنا بيفرح بتوبة عباده وكلنا عارفين كده

قال حبيبنا صلى الله عليه وسلم : للهُ أشد فرحا بتوبة عبده المؤمن ، من رجل في أرض دَويّة مهلكة ، معه راحلته ، عليها طعامه وشرابه ، فنام فاستيقظ وقد ذهبت ، فطلبها حتى أدركه العطش ، ثم قال : أرجع إلى مكاني الذي كنت فيه ، فأنام حتى أموت ، فوضع رأسه على ساعده ليموت ، فاستيقظ وعنده راحلته وعليها زاده وطعامه وشرابه ومن شدة الفرح قال اللهم انت عبدي وان ربك ، فاللهُ أشد فرحا بتوبة العبد المؤمن من هذا براحلته وزاده
صدق رسولنا الحبيب صلى الله عليه وسلم وما ينطق عن الهوى

ياللا كلنا نفرّح ربنا :
اللهم إني أستغفرك واتوب اليك من كل ذنب أذنبته وتعمدته أو جهلته. وأستغفرك واتوب اليك من كل الذنوب التي لا يعلمها غيرك ، ولا يسعها إلا حلمك واسالك سترها عليّ يا ستار يوم تبلى السرائر
يا من اذا توعّد عفى واذا وعد لا يخلف الميعاد اسالك ان تعفو عن ذنوبي وتقصيري واتوب اليك
اللهم اني اسالك رضاك ورحمتك والجنه يااااااااااااااااارب
امرتنا بال ووعدتنا بالاستجابه وظننا في سبحانك الاستجابه

سبحانك اللهم وبحمدك اشهد ان لا اله الا انت استغفرك واتوب اليك

اللهم صل وسلم وبارك على سيدنا محمد واله وصحبه اجمعين

وآخر دعواهم ان رب العالمين



:pale: