:flower: بسم الله الرحمن الرحيم :flower:
عيد الطفولة
راجع عيد الطفولة طراطير وبلونــات
مراجيح بحبال طويله وبكل الألوانات
لكن وسط الأغاني والضحك والتهانـي
شايفين في وادي تاني أطفال في مخيمات
راجع عيد الطفولة طراطير وبلونات
راجع عيد الطفولة فرحه بتملا الوجـود
والطفل في المخيم وعيونه ع الحدود
يحلم بشمس بكره بتشرق من جديــد
يحلم بدنيا فاكره حقه يكون لـه عيد
يحلم كفه الصُغيّر تضمه ألف أيـــد
تمسح دمعة عيونه ودموع الأمهات
راجع عيد الطفولة طراطير وبلونات
راجع عيد الطفـولة بيحقق الأمـاني
نحلم والحلم يكبر يصبح أحلى الأغـاني
وأجمل حلم السنه دي نطوي كل الآلام
ونشبـك الأيادي ويـرفرف الحمـام
في بلادك وف بلادي يطرح غصن السلام
يرجع عيد الطفولة من غير دمع وآهات
يرجع عيد الطفولة طراطير وبلونات
=====================
فى النهايه بقول لأطفال منتدي
الاعدادية
كل سنه وانتوا طيبين يا حبايب قلبى
=====================
وسلامى ليهم ده أمانه لازم كل واحد معاه أخ صغير أو أخت صغيره يوصلله سلامى ويخليه يطلب طلب أقدر أحققهوله
محمد رجب سعيد الايميل Medo_pasha2010
ااااااااااا