زوجتى حياتى
=====
زوجتى حياتى
ياأغلى هديه من السماء
وانتى معايا
مابعرف عمرى طعم الاه
ماليه علىّ الدنيا بنورك
ماليه البيت حب وحنان
ليلى نهارى انا بدعيلك
ربى يصونك فى كل مكان
$$$$
اتعلمت الحب معاكى وحبى ليكى كان بأخلاص
شفت الحب جوه عنيكى وطبعاّ انا اعز الناس
رزقنا الله بالولد ووراه ولد وقلنا
ّ لله
لكن حبك فى الخلف رزقنا بجيجى وريهام
صحيح تعبنا يا حياتى وربنا عوض صبرنا
ذريه صالحه مؤدبه وأصبحوا الفرحة لقلبنا
اتربوا احسن ربايه وأتعلموا احسن علام
الفضل يرجع ليكى أنتى وبتوفيق من ربنا
#######
وبينى وبينك يابنت الناس
من غير مجامله او نفاق
#######
لولا تدخل ربنا والذريه الصالحه فى وسطنا
كان شمهورش من زمان فرقنا ومات حبنا
اختلفنا كتير وكان كل خلاف ينتهى قوام
زعلنا واتخاصمنا وياما كان فيه قلنا وقال
ومع وجود المحبه كل نار تصبح رماد
ونار الحب تشعلل تانى وننسى اللى كان
$$$$$$
وأرجع وأقول انا لىّ مين غيرك مهما غلط اللسان
دائماّ برجع لحضنك اعمل ايه ياروحى انا المحتاج
اولادنا خدوكى منى وحالياّ بخاف منهم كمان
اولادنا دائماّ فى صفك وبيطلعونى انا الغلطان
وده ذنب ابويا لانى انا كنت ولد امى زمان
ودائما اجى مع امى وأشهد أن أبويا غلطان
ذنوب وبتخلص منى ياروحى وكما تدين تدان
لكن اصبرى شويه ياحياتى لما نزوج الاولاد
هطلع عنيكى ياحبى وهخلص اللى فات
والراجل منهم يتكلم أو يهوب ناحية الدار
والولد يتشطر على مراته ويحط فى فمه حذاء
والبنت تورينى شطارتها تحب جوزها بأخلاص
وان وانتى ولاحد تالتنا ياهووه
ونغنى ويا الهوى ونقول ظلموة
============
تحياتى لكم
كلمات / الصابر
موضوع: 000 زوجتى ... حياتى 000 
| c l a s i c k | 20
!!تنبيه !!