000 يلا يارجاله نعمل اضراب 000

شويه فرفشه
=====

يلا يارجال نعمل اضراب
نقول عايزين نبقى ستات

اصل الستات صبحم بهوات
واحنا بقينا مش رجاله

تغيير النوع شىء مش ممنوع
الكل يقلب بقه وكفايه

نبقى احنا حريم نلبس فساتين
والحريم يقلبوا رجاله

الرجاله تلبس حجاب
والحريم يبقوا بشنبات
.....

يجيبولنا البودره والبانكيك
وروجاجو كمان للخدود

يجيبولنا اّى شادو وكحل جميل
ومسكره ورموش للعين


ناكل فى اليوم 10 من الروج
نوريكم جمال يرد الروح
......

وندلعكم ونهنيكم ونوريكم
كيف يبقى كيد النسوان

ونرد شويه من عمايلكم
اللى عملتوها فينا زمان


من اول ليله ناخد برشام
نتفرغ بقه لشئون الدار

مش هنطلع بره فى يوم
هنعسكر ليكم جوه الدار

ونقول لكم شبيك لبيك
ورونا الهمه يارجاله
.....

من على السرير مش هنقوم
نقوم م النوم ننام تانى

نبقى عرايس صبح وليل
وان قصرتوا نشتكى للقاضى

نقعد فى البيت واكلين شاربين
وتاكلوا من ايدينا احلى طبيخ

نطبخ لحمه والحله تشيط
تزعقوا نصرخ 100 صوت

نطبخ قلقاس نعمل سلطات
ونحط الشطه بالقرطاس

نكب الخل على كل طبيخ
ونقول الطبخه حمضانه

السمنه نكب عليها الزيت
ونقول السمنه دى تلفانه

الرز كمان نسلقه نهريه
ونكب عليه الميه ياما

نعمل المحشى بورق كشاكيل
ونقول دى الموضه يارجاله

السمكه نقلى مكانها برص
وبدل الدجاجه نطبخ حدايه

وبدل الملح نحط الرمل
وبالهنا والشفا يارجاله

وطلباتنا تيجى لباب الدار
وياويلكم لو نقصت حاجه

ياريت يتحقق حلمنا يارجال
خلاص زهقنا من الستات

كاتمين على نفسنا ليل ونهار
خلاص كرهنا كلمة رجاله
========

الصابر