000 والله ما كان العشم 000

والله ماكان العشم فيك
==========

والله ما كان العشم فيك . يحصل كده منك
لاكلام ولاسلام .. ولاأعرف ايه حاصللك

ياريت تكون بخير . ياريت تطمنى عليك
مشتاق اسمع صوتك . ووحشونى عنيك

انت غالى عندى .. وافتكر انا غالى عليك
ولا انت بتاع كلام ... وسهل تبيع شاريك
؟؟

قوللى انت فين .. ؟ قوللى بس نسيتنى ليه
لو ناوى تهجر . علمنى ازاى اقسى عليك

فهمنى قوللى .هيه قصه وانتهت . ولا ايه
تقدر تقوللى لحد امتى . راح اصبر عليك
؟؟

ايه ذنبى انا فهمنى .. قوللى انا عملت ايه
دنا كنت دايب فيك .. مشتاق للمسة ايديك

لو كنت غلطت فيك .. قوللى غلطت فى ايه
د انت حبيبى .. وعمرى ما أقدر اغلط فيك


وانا ممكن اقولك ... انت عملت ايه وايه
وبالرغم من عمايلك ... قلبى صابر عليك

دنا ياحبيبى لما بحب .. بحب من كل قلبى
لاأعرف اكذب أوانافق . ولاأعرف اخبى

اللى يدخل جوه قلبى يبقى هو كل حبايبى
اخاف عليه وازعل قوى لو مسألش عنى

وزعلى بيكون شديد لما ازعل من نفسى
ممكن اكره ذاتى ابعد عن ماتشتهيه نفسى

وبنفسى ازل نفسى ... واهون على نفسى
ليه ياحبيبى تهجرنى ... يا أعز من نفسى

بلاش تخلينى اكرهك ياريت تقدر تفهمنى
خايف يوم انساك واطردك من جوه قلبى

ويبقى عندى ............ عذاب بعدك عنى
ارحم من عذابى ......... وانت بتلاوعنى

=======
كلمات / قلم الصابر[/u]