شعر عن مصر

طب ايه جرى.. يا هل ترى
فيه اي واحد مننا
راح و اشترى..
شركات بأموال اليهود
و فلوسنا كانت سمسره.؟
و ازاي و ليه
مبتسألوش عن مال ساويرس
ولا عز و مين و مين
و جات منين..
و فى أى مشروع و أى مله و أى دين
جواسيس و ممدوح اسماعيل
يتحاكموا مدنيين
و احنا اللى اخوان مسلمين
متدينين
و اساسنا مدنيين
القاضي حكم عسكرى
و تقول لمين
و تعيد لمين
سيبها بس لربنا
و ربنا عالمفترى
و ان حد مات أو حد عاش
ميهمناش
أهم شىء الشعب عارف اننا
عاوزين يا دوب رضا ربنا
مش محتاجين ان اليهود ترتاح لنا
أهم شيء بيهمنا
الشعب يعرف سكته و لا بد من توعيته
يعرف يحقق رغبته
و مقاومته لناس بتنهب ثروته
و تبان عزيمته و همته
و ساعتها يفرض كلمته
و يقولها بصراحه
من غير كسوف و لا خوف
و بنفس مرتاحه
و تكون عشان ربنا
وماتكونش جراحه

متميز دائماً يا أستاذ عبد المنعم سلمت يمينك