ناس احجار في دنيا العجب

ناس أحجار والقلوب قاسية

والطيبة تيجي وتروح ما هي راسية


في كل مكان تلقى للنفاق أمجاد

وتلقى الغيرة تاكل قلوب الحساد


لا تستغرب إذا شفت بدنيتك أسى

اليوم حتى الأبو وهو الأبو ينتسى


ولا تتأمل بالحبيب المخلص والأمين

تلقاه من وراك ثعلب ومن قدامك مسكين


تلقى من الناس طيب أصيل وما ينعاب

وفي الحقيقة تارك أمه يراعونها الأغراب !


وفي دنيانا تلقى الأخو ساكن جنب أخوه

وعيال أخوه يكرهونه حيل ويبغضوه


وهو ما يعرف عن أخوه أي أخبار

أصلاً من زمان وهم بينهم زعل وثار


وتلقى صديقك المقرب والمحبب يبغضك

يغار منك ويسوي إنه يعزك وينصحك !


وفي كل شارع تلقى وحدة يحبها مليون

هي تكذب عليهم وهم عليها يكذبون


وتلقى الحب صار لعبة في ذا الزمان

يلعب بها صغار السن والي مالهم أسنان !


وتلقى من الناس شايف نفسه فــوق

وإنه هو العالي لحاله وهو الذوق


إذا كلّمته ويمكن ما يرد عليك

وإذا رد يرد وهو ما ينظر إليك


من أعالي أنفه يرد عليك ويحاكيك

ولا ينتظر منك رد يمشي ويخليك


وفي دنيا العجب تلقى الكذب منتشر

الصدق ثلاث أرباعه مات والباقي يحتضر !!


وصار الحلف الكاذب مثل السلام

يحلف ينافق يخادع حتى في المنام ... !


آه يا دنيا العجب أمرك عجيب

آه يا دنيا الغرابة فيكي الغريب

االكلمات انيقه ورشيقه وجميله فعلن