موضوع: صلاتك اول بأول !!!! الأحد 27 ديسمبر 2009 - 15:29
بسم الله الرحمن الرحيم ..........
مدخل : طبعا اكثر قسم احس فيه براحه نفسية هذا القسم وهذا اول موضوع لي فيه صراحة اشعر براحه هنا لعدت اسباب من خواتي المراقبات وروحهم المرحة ولن القسم ديني كله اذكار ألا بــذكر الله تطـمئـن القــلوب
المشكلة موضوعي اليوم مشكلة تتلعق بالصلاة طبعا كلنا صارت معانا يوم كنا صغار ياما قص علينا الشيطان وقمنا طوف صلاة ونصلي صلاة ومو بس الاصغار حتى بعض الكبار يعني مثلا يكون الشخص منسدح على السرير وحس انه بتغفي عينه وسمع الاذان للاسف يسوي نفسه ماسمع الاذان فحبيت اعرض هذي المشكلة على قصص بسيط
قصة
بعد ماصلى احمد العصر فتح الاب وشبك ودخل المسن ولقى كل الربع شابكين وقعده حامية وسوالف وصار ضغط وضحك ووناسة اذن المغرب
الله واكبر الله واكبر
الام : يمى احمد قوم روح المسجد صلً احمد : انشالله يمه بس شوي الام : قوم صلً يما يلا لاتطوفك الصلاة احمد : يما بس شوي اسم هالسالفة بس الام : العمر يخلص والسوالف ماتخلص يما قوم يلا قوم احمد : ازين انزي يما الحين اقوم بس شوي الام : يلا قوم ترا المغرب فواات
وبعد حيين اذن العشا الله اكبر الله اكبر
___________________________
ساره بنت شابه في عاده سهراانه حاله من حال اي شابه ماسكه نقالها وقاعده تسوولف مع رفيجتها وبعدين سكت التلفون وحاولت تنام اذن الفجر
الله اكبر الله اكبر
الام : سااره ساااره ساره : نعم يما الام : قومي صلي الفجر اذن ساره ( بينها وبين نفسها ) : يووووه مالي خلق اقوم واتوضى واصلي بهليل الام : سااااره ويهد قومي صلي يلا ماتسمعين ساره : انشالله يما انشالله ساره ( بينها وبين نفسها ) : احسن شي جني ماسمعت الاذان واصلي بااجر وان الله كان غفوورُ رحيم
قامت ساره الساعه 1 الظهر توضت وصلت الظهر وتناست صلااة الفجر
____________________________________
فعلا تصادفنا يوميا مواقف مثل مواقف احمد وساره ولاكن شنو سبب هذا الشي ضعف الوازع الديني وقلة الايمان والتكاسل