000 صرخة يأس 000

صرخة يأس

========



دورى يادنيا وهاتى مافيكى ........ مش هيضر
ما أنتى رديه واصلك واطيه ........ وكلك غدر

مهما تجيبى ايه هتجيبى .... ؟ ... شربت المر
واللى مات ......... لو شرب السم مش هيضر

كرهتك ايوه كرهتك ... بكل مافيكى يارمز الشر
نفسى اعرف انا ايه فيكى ؟ وليه. شايف الذل .؟

بسأل نفسى هل فيه فعلاّ . جوه صدرى قلب .؟
هل انا فعلاّ عايش .. ولا حياتى . مجرد اسم .؟

نفسى ارحل للمجهول ..... حتى لو عند ابوجهل
وابعد ...... وارجع تانى بدون اصحاب ولا اّهل
......
.........
.....................

وحيداّ انا .............. أحيا مع ذاتى واوراقى
غريب انا ............ فى دارى ووسط أولادى

بلا أهل ............... واهلى اعداداّ واعدادى
ضال الطريق ............ اسأل ذاتى اين دارى

بنفسى اهستهين واهين .. وقد يكون قدرى كبير
اذل ذاتى بأخطائى ...... ولا ابالى بمن ينظرون

ليلى جنون ..... مع دخان وبخور يعمى العيون
نهارى سراب .... هائماّ فيه بلا هدف أو طريق

.......

.................

.........................



قالوا الحياه قسمه قلت .. اشمعنى قسمتى ذل .؟
قالوا فيها الامان قلت .. هيه الااساس فى الشر

قالوا فيها المحبه .. قلت . دى محبتها كلها حقد
قالوا انت اللى غلط .. قلت . قولولى فين الصح

كرهت الصح ..... فى دنيا مزروعه بزرع الشر
عملت الخير ..... وابن الايه خلانى انا بيه أتذل
.......

دنيا غبيه رديه .... لا ليها طول ولا ليها عرض
تسرق تنهب تفجر ..... تبقى فيها الراجل الشهم

اللى يعمل صح يبقى عبيط .... ويبقى هو اللص
اللى يقول الحق منافق .... والباطل سيد للارض

..........

...................

...........................



سيف الحقيقه ....... اتكسر والباطل اعتلا شأنه
الغالى ........ اصبح رخيص والدون غلى ثمنه

من يوم ماكسروا السيف اصبحنا فى وقت الزيف
النهب اصبح رجوله والظلم ماشى ماسك السيف

الظالم .... اصبح قاضى والميزان صار مخسور
الحامى اصبح حرامى .... والامن ماشى مخمور

الاخ الشقيق .... استعان بالعدو لاجل يقتل اخوه
وديتوا فين المحبه راح فين العدل يا خلق هوووو
.................

........

..



كلام مجانين . مهابيل خلاص . فقدت الاصل .؟
تعبت تعبت .. فيكى يادنيا قوليلى فين الاصل .؟

..

.......

................



ليه . كل طريق امشيه ارجع منه جوايا جرح .؟
ليه . كل صديق اماشيه يزود جروحى جرح ..؟

ليه .. كل حبيب اصافيه يقتل فىّ حتى الفرح .؟
ليه .. حتى الخير القاه جاى وجايب معاه الشر.؟

..........

..................

........................


هرجع تانى لكلمة لاّ ... هرجع تانى جوه الكهف
هرجع تانى اكلم ذاتى . هرجع تانى انام ع الرمل

مش محتاج خل يواسى . ولا محتاج لصحبة حد
مع كهفى وقلمى واوراقى .. نعيش من غير غدر
.......

دورى يادنيا لفى براحتك . مش هيأثر عندى بجد
عليكى هدوس بكل مافيكى . من غير ندم او دمع

ويوم ما اموت . مش عايز أى عيون تبكى بدمع
مشتاق ليوم الموت لكن . حرام علىّ قتل النفس



=====

قلم /الصابر