أنا عايزه اعيش فى كوكب تانى

كلمات أعجبتنى بل أبكتنى
كلمات: مدحت الجمال

أنا عايزه اعيش فى كوكب تانى Agfantasy26

رافضك يا زماني .. يا أواني .. يامكاني
أنا عايز أعيش في كوكب تاني
فيه عالم تاني .. فيه لسّه أماني
فيه الإنسان .. لسّه إنسان
عايش للتاني !!

عالم طيّار ورياحه قوية
بتهد كياني تكسّر فيّا
من غير مواعيد
بتاخدني بعيد
عن معنى حياتي
عن أصلي وذاتي
وده مش بإديا
وده مش بإديا

فيه سد منيع
عالي وفظيع
بيني وبين نفسي
بين روحي ورسمي
بين يومي وأمسي
وإللى أتمنيته وبنيته
في الهوا بيضيع
وده مش بإديا
وده مش بإديا

مكبوتة في قلبي أحلام محصورة
وحطام أفكار أيتام مبتورة
وآمال مطوية
بتعافر فيّا
( وكأن أواني كان لسّه شوية ) !!

وف وسط الناس والزحمة
تاه الإحساس والرحمة

ضاع مني سلامي
تاه حتى كلامي
ضاق بيا مكاني
كداب يا زماني
كداب يا زماني

رافضك يا زماني .. يا أواني .. يامكاني
أنا عايز أعيش في كوكب تاني
فيه عالم تاني .. فيه لسّه أماني
فيه الإنسان .. لسّه إنسان
عايش للتاني !!

أنا عايزه اعيش فى كوكب تانى 74065581027023992

أنا عايزه اعيش فى كوكب تانى 862081202413799093

_________________

» أنا عايزه اعيش فى كوكب تانى
» تواقيع فلاشية جديدة اختار اللى أنت عايزه بسرعه
» اكتشاف كوكب جديد يشبه الارض
» اكتشاف كوكب عاشر في المجموعة الشمسية
» اكتشاف كوكب عاشر يدور حول الشمس