عدد المساهمات : 271 نقاط : 490 تاريخ التسجيل : 14/12/2009 العمر : 53
موضوع: !!المنحوس منحوس!! الجمعة 14 مايو 2010 - 11:37
!!المنحوس منحوس!!
هذا واحد كل ماسوى مشروع خسر وكل مامسك شي خرب وكل ماراح مكان
صارت مشكلة ماعمره تهنى بشي وحياته كلها نكد في نكد العجيب ، أنه يشوف الناس ما شاء الله
يسوون مشاريع ويتوفقون ويستمتعون بحياتهم إلا هو !! لما زهق من عمره جت على باله فكره أنه يترك البلد اللي هو فيها ويهاجر راح المطار وحجز له تذكره ركب الطيارة بسم الله جلس في المكان المخصص ركبوا المسافرين الى الآن كل شي تمام طارت الطيــــــــــــــــــــــــــ ــــــارة والجو هدوووووووء و وفجأة قامت الطيارة تهتززززززززز ويبدو أن فيه شي مو طبيعي قاعد يصير ولما زادت الربكة وإذا المضيف يعلن للناس أن الطيارة فيها عطل ويمكن تطييييح أخونا المنحوس انتبه وقال : إييييييييييه ، ماكو الا آنا .. أنا السبب في اللي صار للطيارة أنا منحوووووس وهذا النحس اللي ملاحقني بكل مكان لكن ايش ذنب هالناس اللي
بيموتون بسببي الحين ؟
مو معقولة أتسبب في وفاة 300 شخص
وأنا ساكت لازم أنقذهم وفكر
وفكر
وفجأة
لمعت في راسه هالفكرة العجيبة استأذن في الدخول على الكابتن وطبعا القانون القديم كانوا يسمحون للناس
يدخلون قمرة القيادة لكن بسبب مشاكل بطلوا المهم .. أخيرا وافقوا له أن يدخل على الطيار سأل أخونا المنحوس الطيار :
اشفيها الطيارة ..هل صحيح انها بتطيح ؟ قال الطيار : العجلات موراضية تنزل قال المنحوس : بسيطة ،
فكوا لي باب الطيارة وأنا انزل أفتحها يدويا من تحت
( وهو في نفسه قصده أنه ينتحر بأن يرمي نفسه من الطيارة على أساس يحافظ على أرواح الناس اللي بيموتون بسببه وينقذ الطيارة من السقوط ) الطيار رفض طبعا وقال له أن هذا غير ممكن وفيه خطوره على حياته ووو لكن أخونا مصـرّ على فكرته خايف على الناس ياعمري والطيار يحلف وهو يحلف .... وأخير .. يوم شافه الطيار مصمم وقاصد كلامه قال : افتحوا له الباب .. أخونا ، توه بيرمي نفسه من الطيارة ، ولكنه التفت على العجلات لقاها تبي تنزل لكن فيه حديدة وسطها مانعتها قال خل أجرب أشيلها ولما شال الحديدة ورماها انفتحت العجلات على طول هو مسكين فرح وقال : خلاص ، الحين مافي داعي أني أنتحر ، مشكلة الطيارة انحلت خليني أرجع للطيارة لما رجع للطيارة والا الناس فرحانين ويصفقون له ويدعون له ويمدحونه على شجاعته وتضحيته بنفسه من أجلهم وطبعا الناس في الأرض كانوا متابعين الحالة والمطار مليان والصحفيين والتليفزيون كاميرات وهيصة بس ينتظرون الطيارة توصل وصلت الطيارة على خير والا كلهم ينتظرونه ويصورونه ، ويحطونه بالتليفزيون على الهواء المهم اقدر يوصل للفندق اللي بيسكن فيه وقال : أول شي لازم أتصل بالوالدة عشان أطمنها على سلامتي أكيد شافتني بالتليفزيون اتصل على أمه ردت عليه أمه ،، لكنها كانت تبكي ،، تبكي بشدة لدرجة مهي قادرة تتكلم قال لها : أكيد يا أمي انتي شفتي الحادث بالتليفزيون لكن أبشرك أنا بخير ولا صار لي شي والأم لا زالت تجهش بالبكاء قال لها يا أمي ما شفتيني بالتليفزيون كلنا طيبين محد صار له شي الأم مسكينة ردت بصعوبة من بين الدموع قالت له : أنا ما فتحت التليفزيون ،
ولا أدري عن حادث الطيارة شي .. قال لها : أجل ليش تبكين يا بعدي قالت : أبوك يا بعد عمري ، أبوك كان متضايق شوي وطلع السطح حق البيت يريد يشم شوية هوى والا فجأة طاحت عليه حديدة من السماء
ومـــــــــــــــــــات !!
أشرف على
admin
عدد المساهمات : 27639 نقاط : 60776 تاريخ التسجيل : 04/09/2009 الموقع : http://elawa2l.com/vb
موضوع: !!المنحوس منحوس!! 
لك علي مرورك العطر
!!تنبيه !!