مواقف داخل وخارج المدرسه

بسم الله الرحمن الرحيم
انا النهارده عاوز اكتب شويه مواقف حصلت من اسبوعين اثناء الامتحانات
1-اول موقف ده عجيب جدا وده عن ابن خالي.....في سنه اولي اعدادي وكل يوم كنت انتظره لاسأله ماذا فعلت في الامتحان وكل يوم كان بيجاوب عليا نفس الاجابه وهيا ان كل ما كنت اسأله عملت ايه في السؤال كذا والسؤال كذا كان يجاوب عليا اجابه واحده وهيا الاستاذ قال لنا كذا وكذا ولما اسأله واقوله امال فين الحل بتاعك انت يقولي يعني انت هتعرف اكتر من الاستاذ اقوله لا لكنه لا يعرف الحل والكلام ده انا سمعته من اصدقاؤه كلهم اللي معاه في المدرسه كانوا بيقولولي نفس الكلام وهوا الاستاذ قال لنا....وانا مكنتش قادر افهم او استوعب كل اللي قابلتهم بعد الامتحان بيقولوا نفس الكلمه ويوم ما النتيجه ظهرت روحت عشان اجيبها لقيته جايب في كل ماده نصف الدرجه يعني لو الدرجه من 30 يكون هوا جايب 15 او 16 فأنا مش عارف السبب فين في الاستاذ والا في الولد والا في مين بالضبط

اما عن الموقف الثاني
2-الموقف ده بقي حصل امامي مباشره حين رأيت احد الاستاذه الافاضل في الفسحه بعد الخروج من الامتحان يخرج الي محمد حمدان(صاحب السيبر الذي بجوار المدرسه)ويقول له انا ظبطلك اللجنه كلها عشان خاطر اخوك.غششتها كلها عشان خطرك فمحمد قاله يعني الاستاذ الفاضل خالف الشرع والدين وساعد التلامذه علي الفساد عشان كلمه شكر مع انه لو كان عمل اللي عليه كان هيسمع الف كلمه شكر فأنا مش عارف اقول ايه الصراحه

اما عن الموقف الثالث
3-اما عن الموقف الثالث هوا بخصوص هروب الطلبه من المدارس
انا بسأل ايه السبب الذي ادي بالطلبه الي هذا الحد هل كرههم للمدرسين ام كرههم للمدرسه ام حبهم في اللعب من اجل اللعب ام ماذا.ام سبب هذا مشكله في بين الطالب وبين ابيه وامه ام...ام...ام...كلها تساؤلات لا اعرف اجاباتها ولا ادري كيف تعالج هذه المشكله انها المشكله الاكبر التي تواججها مدرستنا اليوم فاني رأيت بنفسي الاستاذ....يخرج وراء الطالب...من بوابه المدرسه ويدخله المدرسه رغما عنه والطالب لا يريد الدخول فأنا لا أعرف لماذا كل هذا يحدث اليوم

وفي النهايه تحياتي الي كل اعضاء المنتدي وتهانيني لكل الطلبه الاوائل علي فكره انا ما اعرفش غير الاولي والتانيه بس ونفسي اشوف الرجاله فين........