منتدى شنواى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةمجلة شنواىأحدث الصورالتسجيلدخول

 

 000 اّه يابلد 000

اذهب الى الأسفل 
كاتب الموضوعرسالة
الصابر
عضو برونزى
عضو برونزى
الصابر


عدد المساهمات : 134
نقاط : 402
تاريخ التسجيل : 16/05/2012

000 اّه يابلد 000  Empty
مُساهمةموضوع: 000 اّه يابلد 000    000 اّه يابلد 000  Emptyالخميس 17 مايو 2012 - 23:38

اه يابلد

اه يابلد محتاجه ولد

ولد شارب من صدر امه ومرتوى
واكل الخير من ايد ابوه بالعرق
ولد اتربى على الاصول والقيم
ولد يكون يعرف ايه معنى البلد

اه يابلد

عليت فيكى المبانى واعتلت
والاصل والاصول كله اتردم

خلاص
اصبح مفيش طبقه وسط

خلاص
معدش فيه شىء مؤتمن


اما غنى وعايش فى بغدده
او مع48 ومش لاقى الغدا


اه يابلد

فيكى الف وزير ويزيد العدد
وابن الوزير طايح فى البلد

وابوه بيجمع الدنانير
علشان يهرب م البلد

ويمشى وزير وييجى وزير
لنفس السبب الكل بيسرق البلد

العدل فين يابلد ؟
راحت فين القيم ؟

مصر فين يابلد ؟
وديتوا فين البلد ؟

ولحد امتى راح نتخرص ؟
نحكى ونشكى فى الهوى

ونقول كلام ومفيش عمل
وننتظر من غير أى أمل

قالوا فيه قانون فى البلد
قلت قولولى فى اى بلد

كم مليونير فى البلد ؟
ومنين جالهم المدد ؟

قانون من اين لك هذا
راح فين ياساده ؟

القانون اللى ماشى هنا
يطبق بس ع الغلابه

شاطرين نطارد الغلبان
اللى بيبيع امشاط وفلايات

وعلى بابا معاه حصانه
وبيتاجر فى المخدرات

الارض فسدت بالمبيدات
مسرطنه او مسممه
وحتى لحوم الكلاب
اكلناها معلبه

العقول فسدت من فتاوى
هدفها تزرع الفتن
هدفها تشعل نيران
تحرق الباقى م البلد

ياأخوانا كفايه بقه
بصوا شويه ع البلد

نقول كفايه لحد كده
نحافظ ع اللى فاضل م البلد

نقول حرام والله كده
باسم الخصخصه نبيع البلد

احزاب كتيره مالها عدد
بيقولوا كفايه ووفد وعمل
كله بتاع كلام من غير عمل
ومن غير مايفهم يقول معترض

قالوا للحرامى
ليه بتسرق البلد

قال انا بسرق
اللى بيسرق البلد

والسارق من السارق
كالوارث من ابيه

حراميه بتسرق حراميه
والشعب راحت عليه

قلت
م الشعب منه الحكومه
والحكومه من الشعب

واللى راحت عليه
هم الغلابه فى البلد

همه الغلابه المطحونين
وهمه اللى شايلين البلد

والله العقل قرب ينفجر
وخايف من غلط القلم

.........

يبقى اصحى يابلد
كفايه النوم فى العسل

يلا هاتى الولد
اللى بيه هتبقى بلد

بس ياترى هو اتولد ؟

ولا لسه هيجيبه الزمن ؟

ياترى ؟؟
هو اللى عليه النيه ومعتمد ؟

وليه لا ؟؟

مش هو برضه ابن البلد ؟

وممكن يكون هو الامل

وبيه ترجع البلد وتبقى بلد

وعبد الناصر
من تانى فيه ممكن يتولد

وبأيد يطبطب على الغلابه
والتانيه ماسكه المقصله

وبأيد يداوى المجروحين
والتانيه تدبح اللى افترى

وينهى الاقطاع م البلد
وخير البلد يبقى جوه البلد

ويبقى فعلا هو الولد
هو جمال اللى فعلا اتولد
=====

كلمات قلم عايش فى الم
الصابر




_________________
عندما تصل للقمه ضع بصمتك وارحل
│ ║▌║││ █ ▌│║█║│ █ ▌│║█║▌║
Dev-PoinT ©️| c l a s i c k | 20
000 اّه يابلد 000  3a673b103a
الرجوع الى أعلى الصفحة اذهب الى الأسفل
 
000 اّه يابلد 000
الرجوع الى أعلى الصفحة 
صفحة 1 من اصل 1
 مواضيع مماثلة
-
» 000 رايحه فين يابلد ؟ 000

صلاحيات هذا المنتدى:لاتستطيع الرد على المواضيع في هذا المنتدى
منتدى شنواى  :: القسم الأدبى والثقافى :: همس الخواطر-
انتقل الى: